Rzayev Rövşən Şükür oğlu

Qaçqınların və Məcburi Köçkünlərin  İşləri üzrə Dövlət Komitəsinin sədri

1962-ci il yanvarın 20-də Bakı şəhərində anadan olmuşdur. İki ali təhsil var. 1986-cı ildə Bakı Dövlət Universitetinin tarix fakültəsini və 1993-cü ildə həmin Universitetin hüquq fakültələrini bitirmişdir.

Əmək fəaliyyətinə gənc yaşlarından başlamışdır. 1982-ci ildən Azərbaycan Ədliyyə Nazirliyinin sistemində müxtəlif vəzifələrdə çalışmışdır. 2004-cü ildən 101 saylı Xanlar Daşkəsən seçki dairəsi üzrə Milli Məclisin deputatı seçildikdən sonra uzun müddət Hüquq siyasəti və dövlət quruculuğu Komitəsinin sədrinin müavini vəzifəsində işləmişdir.

Azərbaycan Respublikası Parlamentinin deputatı olduğu dövrdə qanunyaradıcılıq prosesində fəal iştirak etmişdir. “Həbs yerlərində saxlanılan şəxslərin hüquq və azadlıqlarının təmin edilməsi haqqında”, “Məişət zorakılığının qarşısının alınması haqqında” və s. qanun layihələrinin hazırlanması üzrə işçı qrupunun üzvü, “Yuvenal Ədliyyə haqqında”, “Azərbaycan Respublikasının işğal olunmuş əraziləri haqqında” və s. qanun layihəsinin təşəbbüskarı olmuşdur.

Azərbaycan Respublikası Milli Məclisinin deputatı olduğu dövrdə AvroNEST Parlament Assambleyasında Azərbaycan nümayəndə heyətinin üzvü qismində bu beynəlxalq qurumun Prosedur Qaydalarının hazırlaması üzərində işləmişdir.

Avropa Şurasının Parlament Assambleyasının üzvü kimi həmin qurumun “Miqrasiya, qaçqınlar və əhali üzrə” və “Sosial məsələlər” üzrə komitələrində çalışmışdır.

Azərbaycan-Almaniya parlamentlərarası əlaqələr üzrə işçi qrupunu rəhbəri olduğu dövrdə bu ölkələr arasında faydalı əməkdaşlığın artırılması sahəsində çalışmışdır.

“Azərbaycan Respublikası Dağlıq Qarabağ bölgəsinin azərbaycanlı icması” İctimai Birliyi 5 iyun 2009-cu il tarixli qurultayında həmin İctimai Birliyin İdarə Heyətinin üzvü seçilmişdir.

Azərbaycan Respublikası Prezidentinin 21 aprel 2018-ci il tarixli Sərəncamına əsasən Azərbaycan Respublikasının Qaçqınların və Məcburi Köçkünlərin İşləri üzrə Dövlət Komitəsinin Sədri vəzifəsinə təyin edilib. Bitərəfdir.

Ailəlidir, 3 övladı var.

Tel: 430-09-25

e-poçt:  r.rzayev@refugees-committee.gov.az 

            

             Fərhadov Gəray  Fərhad oğlu

Qaçqınların və Məcburi Köçkünlərin  İşləri üzrə Dövlət Komitəsi sədrinin müavini

1957-ci il yanvarın 1-də Azərbaycan Respublikası, Qubadlı rayonunun Mahruzlu kəndində anadan olmuşdur. Azərbaycanlıdır.
1974-cü ildə  Qubadlı rayon Mahruzlu kənd orta məktəbinin bitirmiş,  həmin ildə Azərbaycan Politexnik İnstiututunun İnşaat fakultəsinə daxil olub, 1979-cu ildə həmin institutu bitirərək təyinatla Zəngilan rayon Təmir-tikinti sahəsində usta köməkçisi, iş icraçısı və baş mühəndis vəzifəsində çalışmışdır.
1982-ci ildən Azərbaycan Meliorasiya və Su Təsərrüfat Nazirliyi Qubadlı rayon Təsərrüfathesablı idarəsində baş mühəndis, 1983-cü ildən Qubadlı rayon Aqrar Sənaye Birliyində əsaslı tikinti şöbəsinin rəisi, 1985-ci ildən Qubadlı rayon Təsərrüfathesablı sahədə baş mühəndis, 1988-ci ildən Qubadlı rayonlararası Təmir İstismar İstehsalat birliyində rəis, 1992-ci ildən Qubadlı rayon Tikinti Materialları Kombinatında direktor, 1993-cü ildən Azərkimya Dövlət şirkətinin 1 saylı Tikinti Quraşdırma idarəsində sahə rəisi, əmək haqqı şöbəsinin rəisi, 1998-ci ildən Azərbaycan Respublikası Dövlət Ekologiya və Təbiətdən İstifadəyə Nəzarət Komitəsində nəzarətçi müfəttiş, bölmə müdiri, sədrin köməkçisi vəzifələrində işləmişdir.
2001-ci ildən Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsində şöbə müdiri, 2009-cu il tarixdən hal-hazıradək Komitə sədrinin müavini vəzifəsində işləyir. YAP-ın üzvüdür.
Azərbaycan Respublikası Prezdentinin 2012-ci il 22 iyun tarixli Sərancamı ilə  “Dövlət qulluğunda fərqlənməyə görə“   medalı, 10 aprel 2017-ci il tarixli Sərəncamı ilə 3-cü dərəcəli "Vətənə xidmətə görə ordeni" ilə təltif olunmuşdur.
Azərbaycan Respublikası Prezidentinin 4 mart 2009-cu il tarixli Sərəncamına əsasən Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin Sədrinin müavini vəzifəsinə təyin edilib.  
Ailəlidir, 3 övladı var.
Tel: 431-29-07
e-poçt:   g.ferhadov@refugees-committee.gov.az

            Hüseynov Fuad Qubad oğlu

  Qaçqınların və Məcburi Köçkünlərin İşləri üzrə Dövlət Komitəsi sədrinin müavini               

1972-ci il aprelin 9-da Bakı şəhərində anadan olmuşdur. Azərbaycanlıdır.
1989-cu ildə Bakı şəhəri Binəqədi rayonu 115 saylı orta ümumtəhsil məktəbini qızıl medalla bitirmişdir.
1989-cu ildə Bakı Dövlət Universitetinin biologiya fakültəsinə daxil olub, 1994-cü ildə həmin universiteti bioloq, biologiya və kimya müəllimi ixtisası üzrə fərqlənmə diplomu ilə bitirmişdir.
1994-cü ilin fevral ayından Birləşmiş Millətlər Təşkilatının Ümumdünya Ərzaq Proqramının Azərbaycandakı Nümayəndəliyində əvvəlcə rəhbərin loqistika (maddi-texniki təchizat və nəqliyyat) məsələləri üzrə köməkçisi, 2000-ci ildən loqistika departamentinin rəhbəri, 2008-ci ildən isə təşkilatın Azərbaycandakı Nümayəndəliyinin rəhbəri vəzifəsində çalışmışdır.
2008-ci ildə ABŞ-ın Fritz institutunun və Böyük Britaniyanın Loqistika və Nəqliyyat İnstitutunun humanitar loqistika üzrə 2-illık ixtisas kursunu bitirərək sertifikat ilə təltif olunmuşdur.
2013-cü ildən Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsi sədrinin müavini vəzifəsində işləyir. YAP-ın üzvüdür.
Azərbaycan Respublikası Prezidentinin 1 mart 2013-cü il tarixli Sərəncamına əsasən Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin Sədrinin müavini vəzifəsinə təyin edilib. Azərbaycan Respublikası Prezdentinin 2018-ci il 31 iyul tarixli Sərancamı ilə  “Dövlət qulluğunda fərqlənməyə görə“ medalı ilə təltif olunmuşdur.
Ailəlidir, 1 övladı var.    
Tel:  431-27-61
e-poçt:   f.huseynov@refugees-committee.gov.az

            Zeynalov Eldar Həbib oğlu

  Qaçqınların və Məcburi Köçkünlərin İşləri üzrə Dövlət Komitəsi Aparatının rəhbəri               

1960-cı il martın 21-də Azərbaycan Respublikası, Tərtər rayonunun Qapanlı kəndində anadan olmuşdur. Azərbaycanlıdır. 

1977-ci ildə Tərtər rayonu Qazyan kənd orta məktəbini bitirmiş, həmin ildə  Qarabağ rayonlararası məhsullar təchizatı bazasında fəhlə işləmişdir. 1978-ci ildə Azərbaycan İnşaat Mühəndisləri İnstitutunun Sanitariya texnikası fakültəsinə qəbul olmuşdur. 

1983-cü ildən Oktyabr rayonu qaz istismar idarəsində usta, 1985-ci ildə həmin rayonda sahə rəisi, 1986-cı ildən Xüsusiləşdirilmiş təmir tikinti tresti 2 №li idarədə baş mühəndis, həmin ildən Azqaztəmirtikinti trestində baş texnoloq, 1987-ci ildən Azəriqaztikinti trestinin 1№-li XTTİ-nə rəis müavini, həmin ildən Nizami rayon qaz istismar idarəsində rəis, 2004-cü ildən Binəqədi rayon qaz istismar idarəsində rəis, həmin ildən Səbail rayon qaz istismar idarəsində rəis, daha sonra Gəncə rayon qaz istismar idarəsində rəis, 2006-cı ildən Sumqayıt rayon qaz istismar idarəsində rəis, 2008-ci ildən Sumqayıt rayon qaz istismar idarəsində rəis, 2009-cu ildən ARDNŞ Azəriqaz İstehsalat  Birliyində rəis, 2010-cu ildən ARDNŞ Azəriqaz İstehsalat  Birliyində direktor müavini vəzifələrində işləmişdir.

12.07.2018-ci ildən Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsində Məskunlaşma, miqrasiya, məşğulluq və status şöbəsinin müdir müavini, 29.08.2018-ci ildən bu günədək Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin Aparatının rəhbəri vəzifəsində işləyir. YAP-ın üzvüdür.

Ailəlidir, 3 övladı var.
Tel: 431-51-59
e-poçt: e.zeynalov@refugees-committee.gov.az